കാഞ്ഞങ്ങാട്: കാസര്കോട്ടെ പെരിയ- കല്യോട്ട് ടൗണുകളില് നാളെ നിരോധനാജ്ഞ. ടൗണിന് അരക്കിലോമീറ്റര് ചുറ്റളവിലാണ് നിരോധനാജ്ഞ ബാധകം.
വോട്ടെണ്ണല് ആരംഭിക്കുന്ന നാളെ രാവിലെ എട്ട് മണി മുതല് പിറ്റേ ദിവസം രാത്രി വരെയാണ് നിരോധനാജ്ഞയെന്ന് ജില്ലാ കളക്ടര് അറിയിച്ചു.
ഫെബ്രുവരിയില് യൂത്ത് കോണ്ഗ്രസ് പ്രവര്ത്തകരുടെ കൊലപാതകത്തെ തുടര്ന്ന് ഈ പ്രദേശത്ത് സംഘര്ഷ സാധ്യത നിലനില്ക്കുന്നതിനാലാണ് നിരോധനാജ്ഞയെന്നും വോട്ടെണ്ണല് പ്രക്രിയ പൂര്ത്തിയായ ശേഷം സമാധാനപരമെന്ന് ബോധ്യപ്പെട്ടാല് നിരോധനാജ്ഞ പിന്വലിക്കുമെന്നും ജില്ലാ ഭരണകൂടം വ്യക്തമാക്കി.
