കുഴിക്കാട്ടുശ്ശേരി : വാഴ്ത്തപ്പെട്ട മറിയം ത്രേസ്യയയെ വിശുദ്ധയായി പ്രഖ്യാപിക്കുന്ന ചടങ്ങിൽ പങ്കെടുക്കാൻ ഇന്ത്യൻ സംഘം വത്തിക്കാനിലേക്ക് പുറപ്പെട്ടു.
കേന്ദ്ര മന്ത്രി വി. മുരളീധരനാണ് ഇന്ത്യൻ സംഘത്തെ നയിക്കുന്നത്. ഞായറാഴ്ചയാണ് മറിയം ത്രേസ്യയെ വിശുദ്ധയായി മാർപാപ്പ പ്രഖ്യാപിക്കുന്നത്. ചടങ്ങിന് സാക്ഷിയാകാൻ മറിയം ത്രേസ്യയുടെ കുടുംബവും മുതിർന്ന വൈദികരും ജനപ്രതിനിധികളും വത്തിക്കാനിൽ എത്തിക്കഴിഞ്ഞു.
നാട്ടിലുള്ള വിശ്വാസികൾക്ക് ചടങ്ങ് കാണാനായി കുഴിക്കാട്ടുശ്ശേരിയിൽ പ്രത്യേക സൗകര്യം ഒരുക്കിയിട്ടുണ്ട്. ഞായറാഴ്ച വത്തിക്കാനിൽ ചടങ്ങ് നടക്കുമ്പോൾ കുഴിക്കാട്ടുശ്ശേരിയിൽ വൈദികരുടെ നേതൃത്വത്തിൽ പ്രത്യേക പ്രാർത്ഥനകളും കുർബാനയും നടക്കും.
