ദില്ലി: സിപിഐയുടെ ലോക്സഭാ തെരഞ്ഞെടുപ്പിനുള്ള പ്രകടന പത്രിക പുറത്തിറക്കി.
നിരവധി വാഗ്ദാനങ്ങള്കൊണ്ട് നിറഞ്ഞതാണ് പ്രകടനപത്രിക. ബിജെപിയെ പരാജയപ്പെടുത്തുകയാണ് പ്രധാന ലക്ഷ്യമെന്ന് പ്രകടന പത്രിക പുറത്തുവിട്ട് ദേശീയ സെക്രട്ടറി ഡി രാജ പറഞ്ഞു.
സത്രീകൾക്ക് എല്ലാ മേഖലയിലും 33 ശതമാനം തൊഴിൽ സംവരണം
ആദായ നികുതി നൽകാത്ത എല്ലാ മുതിർന്ന പൗരന്മാർക്കും പെൻഷൻ
ആസൂത്രണ കമ്മീഷൻ തിരിച്ചുകൊണ്ടുവരും
ന്യൂനപക്ഷങ്ങൾക്കായി രജീന്ദ്ര സച്ചാർ സമിതി ശുപാർശകൾ നടപ്പാക്കും
ജിഡിപിയുടെ 10 ശതമാനം വിദ്യാഭ്യാസ മേഖലക്കായി നീക്കിവെക്കും
പ്രൈമറി മുതൽ സെക്കന്ററി വരെയുള്ള വിദ്യാഭ്യാസം സൗജന്യമാക്കും
ജി ഡിപിയുടെ ആറ് ശതമാനം ആരോഗ്യമേഖലക്ക്
നദീസംയോജന പദ്ധതികൾക്കായി ദേശീയതലത്തിൽ സമവായം
ദില്ലിക്കും പുതുച്ചേരിക്കും പൂർണ സംസ്ഥാന പദവി
കർഷകർക്ക് ഉല്പാദന ചെലവിന്റെ 50 ശതമാനത്തിലധികം വരുമാനം ഉറപ്പുവരുത്തും
കാർഷിക കടങ്ങൾ എഴുതി തള്ളും
ജോലി ചെയ്യുക എന്നത് മൗലിക അവകാശമാക്കും
തൊഴിൽ രഹിതരുടെ സാമൂഹിക സുരക്ഷിതത്വം ഉറപ്പാക്കും
എല്ലാ പെൻഷൻകാർക്കും ചുരുങ്ങിയ പെൻഷൻ 9000 രൂപയാക്കും എന്നിവയാണ് വാഗ്ദാനങ്ങള്
