തിരുവനന്തപുരം: ദൈവത്തിന്റെ പേരിൽ വോട്ട് തേടരുതെന്നാണ് പെരുമാറ്റച്ചട്ടമെന്നു മുഖ്യതെരഞ്ഞെടുപ്പ് ഓഫീസർ ടിക്കാറാം മീണ. ഇക്കാര്യം ആവർത്തിക്കേണ്ട കാര്യമില്ലെന്നും ഇത് ലംഘിച്ചാൽ കർശന നടപടി സ്വീകരിക്കുമെന്നും അദ്ദേഹം വാർത്താസമ്മേളനത്തിൽ പറഞ്ഞു.
തെരഞ്ഞെടുപ്പ് പെരുമാറ്റച്ചട്ടം അനുസരിച്ചു മാത്രമേ രാഷ്ട്രീയ പാർട്ടികൾക്ക് പ്രവർത്തിക്കാനാകുവെന്നും ടിക്കാറാം മീണ കൂട്ടിച്ചേർത്തു. തെരഞ്ഞെടുപ്പ് നടക്കാൻ പത്ത് ദിവസം മാത്രം ബാക്കി നിൽക്കേ ശബരിമല വിഷയം സംസാരിച്ച് വോട്ട് പിടിക്കാൻ ബിജെപി സംസ്ഥാന നേതൃത്വം നീക്കം ആരംഭിച്ചതോടെയാണ് മീണയുടെ വിശദീകരണം.
