ന്യൂഡല്ഹി:അഞ്ച് സംസ്ഥാനങ്ങളിലേക്ക് നടന്ന നിയമസഭാ തെരഞ്ഞെടുപ്പിന്റെ ഫലം പുറത്തു വന്നതിന് പിന്നാലെ രാജ്യത്തെ പെട്രോള് വിലയില് വര്ധനവ്. 57 ദിവസത്തെ തുടര്ച്ചയായ വിലയിടിവിനു ശേഷമാണ് പെട്രോള് വില കൂട്ടിയത്. പെട്രോള് ലിറ്ററിന് 11 പൈസ വരെയാണ് വര്ധിച്ചിരിക്കുന്നത്.
കൊച്ചി നഗരത്തില് ഒരു ലിറ്റര് പെട്രോളിന് 72.03 രൂപയാണ് വില. രാജ്യാന്തര വിപണിയില് അസംസ്കൃത എണ്ണ വിലയിലുണ്ടായ നേരിയ വര്ധനയെ തുടര്ന്നാണ് എണ്ണക്കമ്ബനികള് വില കൂട്ടിയത്. നഗരത്തില് 85 രൂപയ്ക്കു മുകളിലെത്തിയ പെട്രോള് വിലയാണ് പടിപടിയായി കുറഞ്ഞ് 72ല് എത്തിയത്. അതേസമയം ഡീസല് വിലയില് മാറ്റമില്ല.
