തിരുവനന്തപുരം: സംസ്ഥാന വ്യാപകമായി നാളെ ബിജെപി ഹര്ത്താല്. വേണുഗോപലന് നായരുടെ മരണത്തില് പ്രതിഷേധിച്ചാണ് ഹര്ത്താല്.തിരുവനന്തപുരം മുട്ടട സ്വദേശി വേണുഗോപാലന് നായരാണ് മരിച്ചത്. സെക്രട്ടറിയേറ്റിന് മുന്നില് ബി ജെ പി നേതാവ് സി കെ പത്മനാഭന് നിരാഹാര സമരം നടത്തുന്ന സമരപ്പന്തലിന് മുന്നിലായിരുന്നു ആത്മഹത്യാശ്രമം.
സമരപ്പന്തലിലേക്ക് ഓടിക്കയറിയ വേണുഗോപാലന് ശരീരത്തില് മണ്ണെണ്ണ ഒഴിച്ച ശേഷം തീ കൊളുത്തുകയായിരുന്നു. തുടര്ന്ന് ഗുരുതരമായി പൊള്ളലേറ്റ നിലയില് വേണുഗോപാലനെ തിരുവനന്തപുരം മെഡിക്കല് കോളേജ് ആശുപത്രിയില് പ്രവേശിപ്പിച്ചിരിക്കുകയായിരുന്നു.ഇന്ന് പുലര്ച്ചെ ഒന്നരയോടെയാണ് സംഭവം.
വേണുഗോപാലന് നായര് ആര്എസ്എസ് പ്രവര്ത്തകനെന്ന് മരുമകന് ബിനു പറഞ്ഞിരുന്നു.വേണുഗോപാലന് നായര്ക്ക് ശബരിമല സ്ത്രീ പ്രവേശത്തില് ദു:ഖമുണ്ടായിരുന്നു. സമരങ്ങളില് പങ്കെടുത്തിട്ടുണ്ടെന്നും മരുമകന് പറഞ്ഞു.
