കോഴിക്കോട്: വെട്ടേറ്റ് ആശുപത്രിയില് കഴിയുന്ന വടകരയിലെ സ്വതന്ത്ര സ്ഥാനാര്ത്ഥിയായിരുന്ന സിഒടി നസീറിനെ പി ജയരാജന് സന്ദര്ശിച്ചു. വധശ്രമ ഗൂഢാലോചനയില് പി ജയരാജന് നേരെ കോണ്ഗ്രസിന്റെയും ആര്എംപിയുടെയും ആരോപണം ഉയരുന്നതിനിടെയാണ് നസീറിനെ കാണാന് ജയരാജന് ആശുപത്രിയിലെത്തിയത്.
സന്ദര്ശന വിവരമറിഞ്ഞെത്തിയ മാധ്യമങ്ങളെ ഒഴിവാക്കിയാണ് ജയരാജന് നസീറിനടുത്തേക്ക് പോയത്. നസീര് കഴിയുന്ന മുറിയില് അരമണിക്കൂറോളം പി ജയരാജന് ചെലവഴിച്ചു. നസീറിന് നേരെ നടന്ന ആക്രമണത്തില് തനിക്കും പാര്ട്ടിക്കും പങ്കില്ലെന്ന് ജയരാജന് വ്യക്തമാക്കി. സംഭവത്തില് പങ്കില്ലെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് പ്രതികരിച്ചിരുന്നു.
കണ്ടാലറിയാവുന്ന മൂന്ന് സിപിഎം പ്രവര്ത്തക്കെതിരെ തലശേരി പോലീസ് വധശ്രമത്തിന് കേസെടുത്തിട്ടുണ്ട്. സിപിഎമ്മില് നിന്ന് പുറത്തേക്ക് വന്നതും പി ജയരാജനെതിരെ വടകരയില് മത്സരിച്ചതുമാണ് തന്നോടുള്ള സിപിഎം വിരോധത്തിന് കാരണമെന്നാണ് നസീറിന്റെ മൊഴി. തലശേരി എഎസ്പിയുടെ നേതൃത്വത്തില് പ്രത്യേക സംഘമാണ് കേസ് അന്വേഷിക്കുന്നത്.
