തിരുവനന്തപുരം: പ്രശസ്ത ഛായാഗ്രാഹകന് എം ജെ രാധാകൃഷ്ണന് അന്തരിച്ചു. 60 വയസ്സായിരുന്നു. പട്ടത്തെ സ്വവസതിയില് വച്ച് ഹൃദയാഘാതമുണ്ടായതിനെ തുടര്ന്ന് ആശുപത്രിയിലേക്ക് പോകും വഴിയായിരുന്നു അന്ത്യം. സ്വന്തമായി കാര് ഓടിച്ചാണ് അദ്ദേഹം ആശുപത്രിയിലേക്ക് പോയത്. പോകുംവഴി വീണ്ടും അവശനായ അദ്ദേഹത്തെ ആശുപത്രിയിലെത്തിച്ചപ്പോഴേക്ക് മരിച്ചിരുന്നു.
ഏഴ് തവണ സംസ്ഥാന ചലച്ചിത്ര പുരസ്കാരം നേടിയ ഛായാഗ്രാഹകനാണ് എം ജെ രാധാകൃഷ്ണന്. ഷാജി എന് കരുണ് സംവിധാനം ചെയ്ത 'ഓള്' ആണ് എം ജെ രാധാകൃഷ്ണന് ക്യാമറ ചലിപ്പിച്ച അവസാന ചിത്രം.
കൊല്ലം ജില്ലയില് പുനലൂരിലെ തൊളിക്കോടാണ് എം ജെ രാധാകൃഷ്ണന്റെ സ്വദേശം. നിശ്ചല ഛായാഗ്രാഹകനായി പ്രൊഫഷണല് ജീവിതം തുടങ്ങിയ എം ജെ രാധാകൃഷ്ണന് പിന്നീട് പ്രശസ്ത സംവിധായകന് ഷാജി എന് കരുണിന്റെ അസോസിയേറ്റായി. ദേശാടനം, കരുണം, കളിയാട്ടം, നാല് പെണ്ണുങ്ങള് എന്നതടക്കം നിരവധി ചിത്രങ്ങള്ക്ക് എം ജെ രാധാകൃഷ്ണന് ക്യാമറ ചലിപ്പിച്ചിട്ടുണ്ട്.
മികച്ച ഛായാഗ്രാഹകനുള്ള സംസ്ഥാന ചലച്ചിത്ര പുരസ്കാരം ഏറ്റവും കൂടുതല് തവണ ലഭിച്ചയാള് കൂടിയാണ് എം ജെ രാധാകൃഷ്ണന്. മങ്കട രവിവര്മയ്ക്കും എം ജെ രാധാകൃഷ്ണനും ഏഴ് തവണ വീതം മികച്ച ഛായാഗ്രാഹകനുള്ള പുരസ്കാരം ലഭിച്ചിട്ടുണ്ട്.
