കൊച്ചി : പാലാരിവട്ടം മേൽപ്പാല അഴിമതിക്കേസിൽ മുൻ പൊതുമരാമത്ത് സെക്രട്ടറി ടി.ഓ. സൂരജിനും രണ്ട് പ്രതികൾക്കും ജാമ്യം ലഭിച്ചു. ഹൈക്കോടതി ഉപാധികളോടെയാണ് മൂന്ന് പേർക്കും ജാമ്യം അനുവദിച്ചത്.
ഒന്നാം പ്രതിയും പാലം കരാറുകാരനായ ആർഡിഎസ് ഉടമ സുമിത് ഗോയൽ, രണ്ടാം പ്രതിയും റോഡ്സ് ആൻഡ് ബ്രിഡ്ജസ് കോർപറേഷൻ മുൻ അസിസ്റ്റന്റ് ജനറൽ മാനേജർ എം.ടി. തങ്കച്ചൻ നാലാം പ്രതിയായ ടി.ഓ. സൂരജ് എന്നിവർക്കാണ് ഹൈക്കോടതി ജാമ്യം അനുവദിച്ചത്. രണ്ട് ലക്ഷം രൂപയുടെ ബോണ്ടും തത്തുല്യമായ രണ്ട് ആൾ ജാമ്യങ്ങളും കിട്ടിയിട്ടാണ് ജാമ്യം അനുവദിച്ചത്.
