തിരുവനന്തപുരം: ആറ്റുകാല് ക്ഷേത്രത്തിലെ പണ്ടാരയടുപ്പില് തീപകര്ന്നു. ക്ഷേത്ര തിടപ്പള്ളിയിലെ പൊങ്കാലയടുപ്പില് തീപകര്ന്ന ശേഷമാണ് പണ്ടാരയടുപ്പില് അഗ്നി തെളിച്ചത്. തുടര്ന്ന് ഭക്തര് തങ്ങളുടെ വീടുകളില് തയ്യാറാക്കിയ അടുപ്പുകളിലും തീ തെളിക്കുകയാണ്. വൈകീട്ട് 3.40-ന് ഉച്ചപ്പൂജയ്ക്കു ശേഷം പൊങ്കാല നിവേദ്യം. രാത്രി 7.30-ന് പുറത്തെഴുന്നള്ളത്തും 11 മണിക്ക് തിരിച്ചെഴുന്നള്ളത്തും നടക്കും.
കോവിഡ് പശ്ചാത്തലത്തില് പണ്ടാര അടുപ്പില് മാത്രമാണ് ഇത്തവണ ആറ്റുകാല് ക്ഷേത്രവളപ്പില് പൊങ്കാലയിടുന്നത്. ഭക്തര്ക്ക് ക്ഷേത്രവളപ്പില് പൊങ്കാലയിടാന് അനുമതിയില്ല. ദര്ശനത്തിനെത്തുന്ന ഭക്തര് ക്ഷേത്രപരിസരത്ത് കൂട്ടംകൂടാന് പാടില്ല. പത്തു വയസ്സിനു താഴെയുള്ള കുട്ടികളെ കൊണ്ടുവരുന്നത് കഴിയുന്നതും ഒഴിവാക്കണം. ഭക്തജനങ്ങള് കൃത്യമായ സാമൂഹിക അകലം പാലിക്കേണ്ടതും മാസ്ക് ധരിക്കുകയും കൈകള് സാനിറ്റൈസ് ചെയ്യേണ്ടതുമാണെന്ന നിര്ദ്ദേശം അധികൃതര് നല്കുന്നുണ്ട്.
ചടങ്ങില് കഴിയുന്നത്രയും കുറച്ച് ആളുകള് മാത്രം പങ്കെടുക്കുകയും സാമൂഹിക അകലമടക്കമുള്ള കോവിഡ് പ്രോട്ടോക്കോള് പാലിക്കുകയും വേണമെന്ന കര്ശന നിര്ദേശം ഇത്തവണ ഉണ്ടായിരുന്നു.
