തിരുവനന്തപുരം: സംസ്ഥാനത്ത് വാഹനപരിശോധന കര്ശനമാക്കാന് പോലീസ് മേധാവി ലോക്നാഥ് ബെഹ്റയുടെ നിര്ദേശം. ഇനി മുതല് രാത്രികാലങ്ങളിലും ഹെല്മറ്റ് പരിശോധന നടത്തണം. ഹെല്മറ്റ് ചിന്സ്ട്രാപ്പ് ഉള്ളതും ഗുണനിലവാരമുള്ളതുമാണെന്ന് ഉറപ്പക്കണമെന്നും നിര്ദേശത്തില് പറയുന്നു.
എല്ലാ ട്രാഫിക് സിഗ്നലുകളും രാത്രി 12 വരെ പ്രവര്ത്തിക്കണം. മദ്യപിച്ച് വാഹനമോടിക്കുന്നില്ലെന്ന് ഉറപ്പുവരുത്താന് ബാറുകളില്നിന്നും ഹോട്ടലുകളില്നിന്നും വരുന്ന വാഹനങ്ങള് പരിശോധിക്കണമെന്നും നിര്ദേശത്തില് പറയുന്നു. ജില്ലാ പോലീസ് മേധാവികള്ക്കാണ് ഇതു സംബന്ധിച്ച് നിര്ദേശം നല്കിയത്.
