തിരുവനന്തപുരം: കൈരളി ടിവിയിലെ നിറസാന്നിധ്യമായിരുന്ന പ്രമുഖ പത്രപ്രവർത്തക ശ്രീകല പ്രഭാകര് അന്തരിച്ചു. കേരള പത്രപ്രവര്ത്തക യൂണിയന് സംസ്ഥാന സെക്രട്ടറിയുമായിരുന്നു ശ്രീകല. വനിതാ പത്രപ്രവര്ത്തകരുടെ വിഷയങ്ങളില് സജീവമായി ഇടപെട്ടുവന്നിരുന്ന പത്രപ്രവര്ത്തകയെന്ന നിലയിലും അവര് ശ്രദ്ധിക്കപ്പെട്ടിരുന്നു.
എല്ലാവരുമായും സ്നേഹത്തോടെ ഇടപെടുന്ന ശ്രീകല വനിതാ പത്രപ്രവര്ത്തകര് നേരിടുന്ന വിഷയങ്ങളെ സമൂഹശ്രദ്ധയില് കൊണ്ടുവരാനും ഇടപെടാനും പ്രത്യേകം ശ്രദ്ധിച്ചിരുന്നു. കൊല്ലം സ്വദേശിയായ ശ്രീകല കൈരളി ടിവിയില് ബ്രോഡ്കാസ്റ്റിങ് ജേണലിസ്റ്റ് ആയി പ്രവര്ത്തിച്ചുവരികയായിരുന്നു.
