പ്രശസ്ത നാടക നടന് കൊട്ടാരക്കര ശ്രീധരന് നായരുടെ കുടുംബത്തില് നിന്ന് ഒരാള്ക്കൂടി അഭിനയ രംഗത്തേക്ക്. കൊട്ടാരക്കരയുടെ മൂത്ത മകള് ജയശ്രീയുടെ ചെറുമകളും സിന്ധുവിന്റെയും ഗോപാലിന്റെയും മകളുമായ തുമ്പി നന്ദന, ജോസ് സംവിധാനം ചെയ്യുന്ന 'ദിശ' എന്ന ചിത്രത്തിലെ കേന്ദ്രകഥാപാത്രത്തെ അവതരിപ്പിച്ചാണ് ബിഗ് സ്ക്രീനിലെത്തുന്നത്. ശ്രീധരന് നായരുടെ കുടുംബത്തില് നിന്ന് മക്കളായ സായികുമാറിനും ശോഭാ മോഹനും ചെറുമക്കളായ വിനുമോഹനും അനുമോഹനും ശേഷമാണ് തുമ്പി നന്ദനയും സിനിമയിലെത്തുന്നത്.
'നാളെയ്ക്കായ്' എന്ന ചിത്രത്തിലും 'ഗ്രീന് ചില്ലി' എന്ന തമിഴ് ചിത്രത്തിലും അഭിനയിച്ച നന്ദന അറിയപ്പെടുന്നത് തുമ്പി എന്ന ചെല്ലപ്പേരിലൂടെയാണ്. തമിഴ് സിനിമയില് തുമ്പി എന്ന പേരാണ് ഉപയോഗിക്കുന്നത് നന്ദന എന് ഗോപാല് എന്നാണ് യഥാര്ത്ഥ പേര്. മികച്ച നര്ത്തകി കൂടിയാണ് നന്ദന. പത്താംക്ലാസ് വിദ്യാര്ത്ഥിനിയായ നന്ദന മോഡലിംഗിലൂടെയാണ് അഭിനയ രംഗത്തേക്കു എത്തുന്നത്.
