ടെലിവിഷന് താരം പ്രേക്ഷാ മെഹ്ത ആത്മഹത്യ ചെയ്തു.ഇന്ഡോറിലെ വീട്ടിലാണ് താരം ആത്മഹത്യ ചെയ്തത്. ചൊവാഴ്ച രാവിലെ പ്രേക്ഷയുടെ അച്ഛനാണ് ഫാനില് തൂങ്ങി നില്ക്കുന്ന നിലയില് നടിയുടെ മൃതദേഹം കണ്ടെത്തിയത്. ഉടനെതന്നെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
ഹിന്ദി ടി.വി. പരിപാടികളായ ക്രൈം പട്രോള്, മേരി ദുര്ഗ്ഗ, ലാല് ഇഷ്ക് എന്നിവയില് വേഷമിട്ടിട്ടുണ്ട്. 25 വയസായിരുന്നു. കുറച്ചു നാളുകളായി ജോലിയുമായി ബന്ധപ്പെട്ട് മാനസിക പിരിമുറുക്കങ്ങള് നടി അനുഭവിച്ചിരുന്നുവെന്ന് കുടുംബം പറഞ്ഞു.
ആത്മഹത്യയുടെ കാരണം വ്യക്തമല്ല. മരിക്കുന്നതിന് ഏതാനും മണിക്കൂറുകള് മുന്പ് പ്രേക്ഷ ഇന്സ്റ്റഗ്രാമില് ഒരുവരി കുറിപ്പ് പങ്കുവെച്ചിരുന്നു. സ്വപ്നങ്ങള് മരിച്ചുപോകുന്നതാണ് ജീവിതത്തിലെ ഏറ്റവും സങ്കടകരമായ കാര്യം എന്നാണ് പോസ്റ്റില് കുറിച്ചിരുന്നത്.
ടെലിവിഷന്താരം പ്രേക്ഷാ മെഹ്താ ജീവനൊടുക്കി
Posted on May 26, 2020, 09:22 pm IST at 9:22 pm 
