തിരുവനന്തപുരം: സംസ്ഥാനത്തെ 19 സ്വകാര്യ സ്വാശ്രയ മെഡിക്കല് കോളജുകളിലെ ഈ വര്ഷത്തെ ഫീസ് നിശ്ചയിച്ച് ഉത്തരവിറങ്ങി. 2019-20 വര്ഷത്തെ എം.ബി.ബി.എസ് കോഴ്സിനുള്ള ഫീസാണ് ജസ്റ്റിസ് രാജേന്ദ്ര ബാബു അധ്യക്ഷനായ പ്രവേശനം മേല്നോട്ട സമിതി പുതുക്കി നിശ്ചചയിച്ചത്. 5.85 ലക്ഷം മുതല് 7.19 ലക്ഷം രൂപ വരെയാണ് വിവിധ കോളജുകളിലെ ഫീസ് ഘടന.
ഹൈക്കോടതി റദ്ദാക്കിയ ഫീസ് ഘടനയെ അപേക്ഷിച്ച് 50,000 രൂപയുടെ വര്ധനവ് വരുത്തിയാണ് പുതിയ ഫീസ് ഘടന നിശ്ചയിച്ചത്. അതേസമയം, നാളെയാണ് മെഡിക്കല് കോഴ്സുകളിലേക്കുള്ള ആദ്യ അലോട്ട്മെന്റ്. ഈമാസം 12നു മുന്പ് ഫീസ് അടയ്ക്കണം.
