കോഴിക്കോട് : മാവോയിസ്റ്റ് ലഘുലേഖകൾ കൈവശം വെച്ചതിന് യുഎപിഎ ചുമത്തി പോലീസ് അറസ്റ്റ് ചെയ്ത അലൻ ഷുഹൈബ്, താഹ ഫസൽ എന്നീ വിദ്യാർത്ഥികൾക്ക് ജാമ്യമനുവദിച്ചില്ല . കോഴിക്കോട് ഡിസ്ട്രിക്ട് പ്രിൻസിപ്പൽ സെഷൻസ് കോടതിയാണ് ഇരുവരുടെയും ജാമ്യാപേക്ഷ തള്ളിയത്.
വിധിയെ ചോദ്യം ചെയ്‌തുകൊണ്ട് പ്രതിഭാഗത്തിന് വേണമെങ്കിൽ ഇനി ഹൈക്കോടതിയെ സമീപിക്കാവുന്നതാണ്. പ്രതികളെ കാണാൻ അഭിഭാഷകർക്ക് അനുമതി നൽകിയിട്ടുണ്ട്. പ്രതികൾക്കെതിരെ ചുമത്തിയ യുഎപിഎ വകുപ്പ് എടുത്തുകളഞ്ഞിട്ടില്ല.
