കോവിഡിന്റെ പശ്ചാത്തലത്തിൽ കേന്ദ്രധനമന്ത്രി നിർമ്മല സീതാരാമൻ പ്രഖ്യാപിച്ച ഉപജീവന പാക്കേജ് പ്രഖ്യാപനം ജനതയ്ക്ക് തെല്ലൊരു ആശ്വാസമേ നൽകൂ. സംസ്ഥാനങ്ങൾ ഉന്നയിച്ച ഒട്ടേറെ കാര്യങ്ങളിൽ ഇനിയും അപര്യാപ്‌തമാണെന്ന്‌ ധനമന്ത്രി തോമസ്‌ ഐസക്‌. പ്രഖ്യാപനങ്ങളിൽ പലതും അവ്യക്തമാണെന്നും പാക്കേജിനെ കേരളം സ്വാഗതം ചെയ്യുന്നു എന്നും അദ്ദേഹം പറഞ്ഞു. സംസ്ഥാനങ്ങൾ ഉന്നയിച്ച ഒട്ടേറെ കാര്യങ്ങളിൽ ഇനിയും തീരുമാനമുണ്ടാകാനുണ്ട്‌.
സംസ്ഥാന ധനമന്ത്രിമാരുമായി വീഡിയോ കോൺഫറൻസ്‌ വഴിയെങ്കിലും ധനപ്രതിസന്ധി അടക്കമുള്ള കാര്യങ്ങൾ ചർച്ച ചെയ്യണം. ജനങ്ങളുടെ കടബാധ്യതകളെക്കുറിച്ചൊന്നും കേന്ദ്രധനമന്ത്രി മിണ്ടുന്നില്ല. അടച്ചുപൂട്ടലോടെ സംസ്ഥാനങ്ങളുടെ വരുമാനമാർഗങ്ങൾ അടഞ്ഞു. കച്ചവടമില്ലാത്തതിനാൽ ജിഎസ്‌ടിയിൽ ഒന്നും പ്രതീക്ഷിക്കേണ്ടതില്ല. ഇതര നികുതി വരുമാനങ്ങളും തുച്ഛമാകും. കേന്ദ്രത്തിന്‌ നികുതി ഇടിവ്‌ പ്രശ്‌നമാകില്ല. റിസർവ്‌ ബാങ്കിന്റെ കരുതൽ ധനത്തിൽനിന്ന്‌ എടുക്കാനാകും. ഇക്കാര്യങ്ങളിലെല്ലാം കേന്ദ്രവും സംസ്ഥാനങ്ങളും തമ്മിൽ ചർച്ചചെയ്ത് പരിഹരിക്കേണ്ടതാണെന്നും അദ്ദേഹം പറഞ്ഞു.
കേന്ദ്ര പാക്കേജ് അപര്യാപ്തം
Posted on Mar 27, 2020, 01:15 pm IST at 1:15 pm 
