കൊല്ക്കത്ത: നഗരത്തിലെ പ്രമുഖ സിനിമ തീയേറ്ററായ പ്രിയ സിനിമാസില് തീപിടിത്തം. ഞായറാഴ്ച രാത്രി അവസാനത്തെ ഷോ തീരാറായപ്പോഴാണ് തീപിടിത്തം ഉണ്ടായത്. തീയേറ്ററില് നിന്നും പുക പരക്കുന്നത് ജീവനക്കാരന്റെ ശ്രദ്ധയില് പെട്ടതിനാല് വന്ദുരന്തമാണ് ഒഴിവായത്. അപകടത്തില് ആളപായിമില്ലെന്നാണ് റിപ്പോര്ട്ട്.
ഉടന് സ്ഥലത്തെത്തിയ അഗ്നിശമന സേന തീ അണച്ച് രക്ഷാപ്രവര്ത്തനത്തിന് നേതൃത്വം നല്കി. തീയേറ്ററില് നിന്നും പുക പരക്കുന്നത് ശ്രദ്ധയില്പ്പെട്ട ജീവനക്കാരനാണ് അഗ്നിശമന സേനയെ വിവരമറിയിച്ചത്. അപകട സമയത്ത് നൂറിലധികം പേര് തീയേറ്ററിലുണ്ടായിരുന്നെന്ന് കൊല്ക്കത്ത മേയര് സോവന് ചാറ്റര്ജി പറഞ്ഞു. പരിക്കേല്ക്കാതെ എല്ലാവരെയും പുറത്തെത്തിച്ചെന്നും അദ്ദേഹം കൂട്ടിച്ചേര്ത്തു.
