മലപ്പുറം: നിയമസഭാ തെരഞ്ഞെടുപ്പിലേക്കുള്ള സ്ഥാനാര്ത്ഥിപ്പട്ടിക മുസ്ലിം ലീഗ് പ്രഖ്യാപിച്ചു. 25 വര്ഷത്തിന് ശേഷം ഒരു വനിത ലീഗ് സ്ഥാനാര്ത്ഥിപ്പട്ടികയില് സ്ഥാനം പിടിച്ചു. കോഴിക്കോട് സൗത്തിലേക്ക് അഡ്വ. നൂര്ബിനാ റഷീദാണ് മത്സരിക്കുന്നത്. മൂന്ന് തവണ മത്സരിച്ച് ജയിച്ചവരെ പിന്നീട് പരിഗണിക്കുന്നില്ലെന്ന് ഇടി മുഹമ്മദ് ബഷീര് വ്യക്തമാക്കി. ഇതില് പി കെ കുഞ്ഞാലിക്കുട്ടിക്കും, എം കെ മുനീറിനും കെപിഎ മജീദിനും മാത്രമേ ഇളവുള്ളൂ. പുനലൂരോ ചടയമംഗലമോ ഏറ്റെടുക്കേണ്ടതെന്ന് തീരുമാനിച്ചിട്ടില്ലെന്നും, അത് തീരുമാനിച്ചാല് അവിടത്തെ സ്ഥാനാര്ത്ഥിയെയും, പേരാമ്പ്രയിലെ സ്ഥാനാര്ത്ഥിയെയും പിന്നീട് പ്രഖ്യാപിക്കുമെന്നും ലീഗ് നേതൃത്വം അറിയിച്ചു.
കഴിഞ്ഞ നിയമസഭാ തെരഞ്ഞെടുപ്പില് 24 സീറ്റുകളിലേക്കാണ് മത്സരിച്ചിരുന്നത്. ഇത്തവണ 27 സീറ്റുകളിലേക്കാണ് പരിഗണിക്കുന്നത്. എല്ലാ വിഭാഗങ്ങള്ക്കും പ്രാതിനിധ്യം നല്കാന് ശ്രമിച്ചിട്ടുണ്ടെന്ന് ഇ ടി മുഹമ്മദ് ബഷീര് പറഞ്ഞു.
മലപ്പുറം ലോക്സഭാ സ്ഥാനാര്ത്ഥി: അബ്ദുസമദ് സമദാനി
രാജ്യസഭാ സീറ്റിലേക്ക്: പി വി അബ്ദുള് വഹാബ്
മഞ്ചേശ്വരം- എ കെ എം അഷറഫ്
കാസര്കോട് – എന് എ നെല്ലിക്കുന്ന്
കൂത്തുപറമ്പ് – പൊട്ടന്കണ്ടി അബ്ദുള്ള
അഴീക്കോട് – കെ എം ഷാജി
കുറ്റ്യാടി – പാറയ്ക്കല് അബ്ദുള്ള
കോഴിക്കോട് സൗത്ത് – അഡ്വ. നൂര്ബിന റഷീദ്
കുന്നമംഗലം – ദിനേശ് പെരുമണ്ണ (യുഡിഎഫ് സ്വതന്ത്രന്)
തിരുവമ്പാടി – സിപി ചെറിയമുഹമ്മദ്
മലപ്പുറം – പി ഉബൈദുള്ള
ഏറനാട് – പി കെ ബഷീര്
മഞ്ചേരി – അഡ്വ യു എ ലത്തീഫ്
പെരിന്തല്മണ്ണ – നജീബ് കാന്തപുരം
താനൂര് – പി കെ ഫിറോസ്
കോട്ടയ്ക്കല് – കെ കെ ആബിദ് ഹുസൈന് തങ്ങള്
മങ്കട – മഞ്ഞളാംകുഴി അലി
വേങ്ങര – പി കെ കുഞ്ഞാലിക്കുട്ടി
തിരൂര് – കുറുക്കോളി മൊയ്ദീന്
ഗുരുവായൂര് – അഡ്വ. കെഎന്എ ഖാദര്
മണ്ണാര്ക്കാട് – അഡ്വ. എന് ഷംസുദ്ദീന്
തിരൂരങ്ങാടി – കെപിഎ മജീദ്
കളമശ്ശേരി – അഡ്വ വി ഇ ഗഫൂര്
കൊടുവള്ളി – എം കെ മുനീര്
കോങ്ങാട് – യു സി രാമന്
