തിരുവനന്തപുരം: സംസ്ഥാന നിയമസഭാ തെരഞ്ഞെടുപ്പില് തര്ക്കം നിലനിന്നിരുന്ന ആറ് സീറ്റുകളിലേക്ക് കൂടി കോണ്ഗ്രസ് സ്ഥാനാര്ത്ഥികളായി. കല്പ്പറ്റയില് കോഴിക്കോട് ഡിസിസി പ്രസിഡന്റ് ടി സിദ്ധിക്കും വട്ടിയൂര്ക്കാവില് യൂത്ത് കോണ്ഗ്രസ് സംസ്ഥാന നേതാവ് വീണ എസ് നായരും മത്സരിക്കും. തവനൂരില് ചാരിറ്റി പ്രവര്ത്തകന് ഫിറോസ് കുന്നംപറമ്പില് മത്സരിക്കും. പട്ടാമ്പിയില് റിയാസ് മുക്കോളിയും നിലമ്പൂരില് വിവി പ്രകാശും കുണ്ടറയില് പിസി വിഷ്ണുനാഥും മത്സരിക്കും. ജ്യോതി വിജയകുമാറിനും ആര്യാടന് ഷൗക്കത്തിനും സീറ്റില്ല.
ധര്മ്മടം മണ്ഡലത്തിലെ സ്ഥാനാര്ത്ഥിയെ കോണ്ഗ്രസ് നാളെ പ്രഖ്യാപിക്കുമെന്നാണ് കരുതുന്നത്. വാളയാര് പെണ്കുട്ടികളുടെ മാതാവ് മണ്ഡലത്തില് മത്സരിക്കുമെന്ന് പ്രഖ്യാപിച്ചിട്ടുണ്ട്. അവരെ പിന്തുണക്കുമോ എന്ന കാര്യം ആലോചിക്കുമെന്ന് കെപിസിസി അദ്ധ്യക്ഷന് മുല്ലപ്പള്ളി രാമചന്ദ്രന് പറഞ്ഞിരുന്നു.
