മുംബൈ: വ്യവസായി മുകേഷ് അംബാനിയുടെ വീടിന് മുന്നില് ബോംബ് നിറച്ച കാര് എത്തിച്ചതിന്റെ ഉത്തരവാദിത്തം ഏറ്റെടുത്ത് ജെയ്ഷ് ഉള് ഹിന്ദ്. ബിജെപിക്കും ആര്എസ്എസിനും ആത്മാവ് വിറ്റ കോര്പ്പറേറ്റുകളാണ് തങ്ങളുടെ ശത്രുക്കള്. ഇപ്പോള് നടന്നത് ട്രെയലാണ്. സംഘടനയ്ക്ക് പണം നല്കിയില്ലെങ്കില് മക്കളെ കൊല്ലുമെന്നും ജെയ്ഷ് ഉള് ഹിന്ദ് ഭീക്ഷണി മുഴക്കി. ഇസ്രായേല് എമ്പസിക്ക് മുന്നില് ബോബ് വച്ചിട്ടും അന്വേഷണ ഏജന്സിക്ക് പിടിക്കാനായില്ലെന്നും സംഘടന അവകാശപ്പെടുന്നു.
കഴിഞ്ഞ ദിവസമാണ് മുകേഷ് അംബാനിയുടെ മുംബൈയിലെ വസതിക്ക് സമീപം ബോംബ് നിറച്ച കാര് ഉപേക്ഷിക്കപ്പെട്ട നിലയില് കണ്ടെത്തിയത്. 20 ജലാറ്റിന് സ്റ്റിക് നിറച്ച സ്കോര്പിയോ കാര് ആണ് കണ്ടെത്തിയത്. വീടിന് മുന്നിലുണ്ടായിരുന്ന സുരക്ഷാ ഉദ്യോഗസ്ഥരാണ് ദുരൂഹ സാഹചര്യത്തില് കാര് ആദ്യം കണ്ടത്. പൊലീസിനെ വിവരം അറിയിച്ചതിന് പിന്നാലെ ബോംബ് സ്ക്വാഡ് സ്ഥലത്തെത്തി പരിശോധന നടത്തി. ജലാസ്റ്റിന് സ്റ്റിക്കുകള് എക്സ്പ്ലോസീവ് ഡിവൈസുമായി ബന്ധിപ്പിച്ചിരുന്നില്ല. സംഭവത്തില് മുംബൈ പൊലീസ് ക്രൈംബ്രാഞ്ച് അന്വേഷണം തുടരുകയാണ്.
