ജമ്മുകാശ്മീരിലെ മുതിര്ന്ന മാധ്യമപ്രവര്ത്തകനായ ഷുജാത് ബുഖാരിയെ വെടിവെച്ച് കൊലപ്പെടുത്തിയവരുടേതെന്നു കരുതുന്ന ചിത്രങ്ങള് പൊലീസ് പുറത്തുവിട്ടു. ബൈക്കില് സഞ്ചരിക്കുന്ന മൂന്നു പേരുടെ ദൃശ്യങ്ങളാണ് പൊലീസിനു ലഭിച്ചിട്ടുള്ളത്. ഇന്നലെ വൈകുന്നേരം അദ്ദേഹത്തിന്റെ ഓഫീസില്നിന്ന് പുറത്തിറങ്ങിയതിനു തൊട്ടുപിന്നാലെ ബൈക്കിലെത്തിയ മൂവര്സംഘം അദ്ദേഹത്തിന് നേരെ നിറയൊഴിക്കുകയായിരുന്നു.
ഒരാള് ഹെല്മറ്റ് ധരിച്ചിട്ടുണ്ട്. ബാക്കി രണ്ടുപേരുടെയും മുഖങ്ങള് തുണി ഉപയോഗിച്ച് മറച്ചിരിക്കുന്നതായി ദൃശ്യങ്ങളില് കാണാന് കഴിയും. 2000ത്തില് ബുഖാരിക്കു നേരെ ആക്രമണം നടന്ന അന്നുമുതല് അദ്ദേഹം പൊലീസ് സംരക്ഷണത്തിലായിരുന്നു. അക്രമികളെ തടുക്കാന് ശ്രമിച്ച രണ്ട് സുരക്ഷാ ജീവനക്കാരും കൊല്ലപ്പെട്ടു. നിരവധി വര്ഷങ്ങള്ക്കു ശേഷം ആദ്യമായാണ് മാധ്യമപ്രവര്ത്തകര്ക്കു നേരെ കാഷ്മീരില് ആക്രമണം നടക്കുന്നത്.
