അമ്പലപ്പുഴ: മന്ത്രി തോമസ് ഐസക്കിന്റെ വാഹനം തട്ടി ബൈക്ക് യാത്രികന് പരിക്ക്. ഹൈവേയില് പുന്നപ്ര കളിത്തട്ട് ഭാഗത്ത് വെച്ച് ഇന്നലെ രാത്രി എട്ടോടെയാണ് സംഭവം. അമ്പലപ്പുഴയില്വെച്ചാണ് ബൈക്ക് യാത്രികനെ തോമസ് ഐസക്ക് സഞ്ചരിച്ചിരുന്ന കാര് തട്ടി അപകടമുണ്ടായത്.
പുന്നപ്ര അഞ്ചിന്വെളിയില് അനീഷിനാണ് (31) അപകടത്തില് പരുക്കേറ്റത്. എന്നാല് അപകടം പറ്റിയ അനീഷിനെ മന്ത്രി തന്റെ കാറില് തന്നെ ആശുപത്രിയിലെത്തിക്കുകയും പ്രഥമ ശുശ്രൂഷ നല്കുകയും ചെയ്തു. തിരുവനന്തപുരത്ത് നിന്നും ആലപ്പുഴയിലേക്കുള്ള യാത്രയിലായിരുന്നു മന്ത്രി. സംഭവം പുറത്ത് വന്നതോടെ മന്ത്രിയെ പ്രശംസിച്ച് വാര്ത്തകളും പോസ്റ്റുകളും സമൂഹമാധ്യമങ്ങളില് പ്രചരിച്ചിരുന്നു.
