മുംബൈ: മുംബൈയില് കനത്ത മഴയെ തുടര്ന്ന് രണ്ട് വിമാനങ്ങള് റദ്ദാക്കി.കഴിഞ്ഞ 12 മണിക്കൂറില് 7595 സെന്റീ മീറ്റര് മഴയാണ് നഗരത്തില് ലഭിച്ചത്. അടുത്ത 48മണിക്കൂര് മഴ തുടരുമെന്ന് അറിയിപ്പ് ഉള്ളതിനാല് നഗരത്തില് ജാഗ്രത നിര്ദ്ദേശം നല്കിയിട്ടുണ്ട്. കാലവര്ഷം മഹാരാഷ്ട്രയിലും ഗോവയിലും ശക്തിപ്രാപിക്കുന്നു. നഗരത്തിലെ താഴ്ന്ന പ്രദേശങ്ങള് വെള്ളത്തില് മുങ്ങിയനിലയിലാണ്.
പരേല്, ഹിന്ദ്മാതാ, മാഹിം, കുര്ള തുടങ്ങിയ പ്രദേശങ്ങളില് വെള്ളക്കെട്ടിനെ തുടര്ന്ന് ഗതാഗതം സ്തംഭിച്ചു. ലോക്കല് ട്രെയിന് ഗതാഗതം സ്തംഭിച്ചിട്ടില്ലെങ്കിലും, സബര്ബന് സര്വീസുകളെ മഴ ബാധിച്ചുതുടങ്ങി. പല ട്രെയിനുകളും വൈകുകയാണെന്നാണ് റിപ്പോര്ട്ട്. കനത്ത മഴയെ തുടര്ന്ന് രണ്ട് വിമാനങ്ങള് റദ്ദാക്കിയിട്ടുണ്ട്. 32 വിമാന സര്വീസുകളും വൈകുകയാണ്. അടിയന്തിര സാഹചര്യം നേരിടാനായി ദുരന്തനിവാരണസേനയുടെ മൂന്ന് സംഘങ്ങള് നഗരത്തിന്റെ വിവിധ മേഖലകളില് നിലയുറപ്പിച്ചിട്ടുണ്ട്.
