തിരുവനന്തപുരം: യൂണിവേഴ്സിറ്റി കോളേജ് സംഘര്ഷവുമായി ബന്ധപ്പെട്ട് മുഖ്യപ്രതികളായ ഏഴ് എസ്എഫ്ഐ നേതാക്കള്ക്കായി ലുക്കൗട്ട് നോട്ടീസ് പുറത്തിറക്കാന് തീരുമാനം. പ്രതികള്ക്കായി വീടുകളിലും ബന്ധുക്കളുടെ വീടുകളിലും വ്യാപക തിരച്ചില് നടത്താനും പൊലീസ് തീരുമാനിച്ചു. കോടതിയുടെ അനുമതിയോടെയാകും പ്രതികള്ക്കായി തിരച്ചില് നടത്തുക. ഇതിനിടെ പ്രതികള് പിഎസ് സി റാങ്ക് ലിസ്റ്റില് വന്നത് ക്രൈംബ്രാഞ്ച് അന്വേഷിക്കും.
അക്രമിച്ചവരില് ചില പൂര്വ്വ വിദ്യാര്ത്ഥികളും ഉള്പ്പെട്ടിട്ടുണ്ടെന്ന ആരോപണവുമായി കുത്തേറ്റ അഖിലിന്റെ അച്ഛന് രംഗത്തെത്തിയിരുന്നു. ഇതിന്റെ അടിസ്ഥാനത്തില് ചില ആളുകളുടെ വീടുകളില് കഴിഞ്ഞ ദിവസം റെയ്ഡ് നടത്തുകയും ചെയ്തിരുന്നു. എന്നാല് പ്രതികള് ഒളിവില് പോകാന് സാധ്യതയുള്ള ഓഫീസുകളിലും മറ്റും പരിശോധന നടത്താന് പോലീസ് തയ്യാറാകാത്തത് ആക്ഷേപത്തിനിടയാക്കുന്നുണ്ട്.
