ന്യൂഡല്‍ഹി: കേരളത്തിലെ ദേശീയപാത വികസനം വൈകിപ്പിക്കുന്ന ഉദ്യോഗസ്ഥരെ രൂക്ഷമായി വിമര്ശിച് കേന്ദ്രമന്ത്രി നിതിന്‍ ഗഡ്കരി. മുഖ്യമന്ത്രിയെ മുന്നിലിരുത്തിയായിരുന്നു ഉദ്യോഗസ്ഥര്‍ക്ക് നേരെ കേന്ദ്രമന്ത്രി വിമര്‍ശനമുന്നയിച്ചത്. നക്‌സലൈറ്റായതിന് ശേഷമാണ് താന്‍ ആര്‍എസ്എസുകാരനായതെന്ന് അദ്ദേഹം പറഞ്ഞു. തന്നെ വീണ്ടും നക്‌സലൈറ്റാക്കി ഉദ്യോഗസ്ഥരുടെ മുകളില്‍ ബുള്‍ഡോസര്‍ കയറ്റാന്‍ നിര്‍ബന്ധിക്കരുതെന്നും അദ്ദേഹം പറഞ്ഞു.
ഇത് അഞ്ചാം തവണയാണ് ഒരേ ആവശ്യത്തിനായി മുഖ്യമന്ത്രി തന്നെ കാണാനെത്തുന്നതെന്നും തനിക്ക് തന്നെ നാണക്കേട് തോന്നുന്നതായും ഗഡ്കരി വ്യക്തമാക്കി. ഓഫിസ് സമയം അവസാനിക്കുന്നതിനു മുമ്പായി ഫയലില്‍ ഒപ്പുവച്ചിരിക്കണമെന്നായിരുന്നു ഉദ്യോഗസ്ഥര്‍ക്ക് ഗഡ്കരി നല്‍കിയ നിര്‍ദേശം.
