ഗാനരചയിതാവ് വൈരമുത്തുവിനും രാധാ രവിയ്ക്കുമെതിരെ ഗായിക ചിന്മയി ഉന്നയിച്ച മീടു ആരോപണങ്ങള് സൗത്ത് ഇന്ത്യന് സിനിമാ മേഖലയെ ഇളക്കിമറിച്ചിരുന്നു. സൗത്ത് ഇന്ത്യന് സിനിമയില് മീ ടു ആരോപണങ്ങള്ക്ക് തുടക്കം കുറിച്ചത് ചിന്മയി ആണ്. മീ ടു ആരോപണത്തിന്റെ പേരില് സിനിമാ രംഗത്ത് നിന്ന് ഒട്ടേറെ വേട്ടയാടലുകളും ചിന്മയി നേരിടേണ്ടിവന്നു.
ആരോപണങ്ങള്ക്കൊപ്പം വിവാദങ്ങളും ശക്തമായപ്പോള് തനിക്ക് സാമൂഹിക മാധ്യമങ്ങളില് അശ്ലീല സന്ദേശങ്ങളും അസഭ്യ കമന്റുകളും വരാറുണ്ടെന്ന് ചിന്മയി പറഞ്ഞിരുന്നു. അതിന് തെളിവായി കഴിഞ്ഞ ദിവസം ഒരാള് അയച്ച സന്ദേശത്തിന്റെ സ്ക്രീന് ഷോട്ട് ചിന്മയി പുറത്ത് വിട്ടിരിക്കുകയാണ് ഇപ്പോള്.
നഗ്നചിത്രങ്ങള് അയച്ചു തരാന് ആവശ്യപ്പെട്ട് ഒരു യുവാവ് ചിന്മയിക്ക് സന്ദേശം അയച്ചു. സന്ദേശത്തിന് ചിന്മയി നല്കിയ മറുപടിയാണ് രസകരം. ന്യൂഡ് ലിപ്സ്റ്റിക്കുകളുടെ ചിത്രങ്ങള് അയാള്ക്ക് അയച്ചു കൊടുത്തുകൊണ്ടാണ് സോഷ്യല് മീഡിയയിലൂടെ അശ്ലീലം അയച്ച ഞരമ്പ് രോഗിക്ക് ചിന്മയി കടുത്ത മറുപടി നല്കിയത്.
