സൂപ്പർസ്റ്റാർ രജനീകാന്ത് നായകനായെത്തുന്ന ദർബാറിന്റെ ഫസ്റ്റ് ലുക്ക് പോസ്റ്റർ പുറത്തുവിട്ടു . സംവിധായകൻ എ ആർ മുരുഗദോസ് സംവിധാനം ചെയ്യുന്ന ചിത്രത്തിൽ നയൻതാരയാണ് നായിക.
എ ആർ മുരുഗദോസും രജനീകാന്തും ആദ്യമായി ഒന്നിക്കുന്ന ചിത്രം കൂടിയാണ് ദർബാർ. ചിത്രത്തില് ഇരട്ടവേഷത്തിലായിരിക്കും രജനികാന്ത് അഭിനയിക്കുക.
ചന്ദ്രമുഖി, കുശേലൻ, ശിവജി എന്നീ ചിത്രങ്ങൾക്കു ശേഷം നയൻതാര തലൈവർക്ക് ഒപ്പം അഭിനയിക്കുന്ന ചിത്രമെന്ന പ്രത്യേകതയും ദർബാറിനുണ്ട്.
തുപ്പാക്കി, ഗജിനി തുടങ്ങി നിരവധി ഹിറ്റ് ചിത്രങ്ങളൊരുക്കിയ മുരുഗദോസ് സർക്കാറിനു ശേഷം സംവിധാനം ചെയ്യുന്ന ചിത്രം കൂടിയാണ് ദർബാർ. ലൈക പ്രൊഡക്ഷൻസ് ആണ് ചിത്രം നിർമ്മിക്കുന്നത്.
സന്തോഷ് ശിവനാണ് ഛായാഗ്രഹണം നിര്വഹിക്കുന്ന ചിത്രത്തിൽ അനിരുദ്ധ രവിചന്ദെര് ആണ് സംഗീതസംവിധായകൻ.
