സന്തോഷത്തിലാണ് അമിതാഭ് ബച്ചൻ. സന്തോഷം കൊണ്ട് വാക്കുകൾ കിട്ടുന്നില്ലെന്നാണ് സർപ്രൈസ് സമ്മാനം കണ്ട് ബിഗ് ബി കുറിക്കുന്നത്. മഞ്ഞ നിറത്തിലുള്ള വിന്റേജ് കാറിനൊപ്പം നിൽക്കുന്ന ചിത്രവും അദ്ദേഹം കുറിപ്പിനൊപ്പം പങ്കുവച്ചു.
വെറുമൊരു വിന്റേജ് കാറല്ല അതെന്ന് പിന്നീടാണ് ആരാധകർക്ക് മനസിലായത്. അലഹബാദിൽ വച്ച് ബച്ചൻ കുടുംബം ഉപയോഗിച്ചിരുന്ന ഫോർഡ് കാറിനെ കുറിച്ച് ബിഗ്ബി തന്റെയൊരു ബ്ലോഗിൽ എഴുതിയിരുന്നു. ഇത് വായിച്ച അനന്ത് ഗോയങ്ക അതേ മോഡലിലെ ഫോർഡ് കണ്ടെത്തി , പെയിന്റ് ചെയ്ത് ഉപയോഗിക്കാൻ പാകത്തിലാക്കി അതേ നമ്പറും സംഘടിപ്പിച്ച് സമ്മാനിച്ചതോടെയാണ് ബച്ചൻ അമ്പരന്ന് പോയത്.
ഇതുപോലൊരു സർപ്രൈസ് തനിക്കാരും തന്നിട്ടില്ലെന്നും വിന്റേജ് ഫോർഡ് സ്വീകരിച്ച് താരം കുറിച്ചു. ബ്രഹ്മാസ്ത്രയാണ് ബിഗ്ബിയുടെ ഇനി പുറത്തിറങ്ങാനുള്ള ചിത്രം.
