ആലപ്പുഴ: ഗാനഗന്ധര്വന് കെജെ യേശുദാസിന്റെ ഗുരുവായൂര് ക്ഷേത്ര പ്രവേശനത്തിൽ പ്രതികരണവുമായി എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന്. വിശ്വാസമുള്ള ഏതൊരു വ്യക്തിയെയും ക്ഷേത്രത്തില് കയറ്റണം. വിശ്വാസമുള്ള മറ്റു മതസ്ഥര് ക്ഷേത്രത്തില് കയറാന് പാടില്ല എന്ന തീരുമാനത്തോട് യോജിക്കാന് കഴിയില്ലെന്നും വെള്ളാപ്പള്ളി നടേശന് പറഞ്ഞു.
യേശുദാസിനെ ക്ഷേത്രത്തിനുള്ളില് പ്രവേശിപ്പിക്കണം എന്നതാണ് തന്റെ നിലപാടെന്ന് അദ്ദേഹം പറഞ്ഞു. മറിച്ചുള്ള നിലപാടുള് മാറേണ്ട കാലം അതിക്രമിച്ചെന്നും അദ്ദേഹം വ്യക്തമാക്കി.കേരളത്തില് മാത്രമാണ് ഇത്തരം ഒരു പ്രവണത കണ്ടു വരുന്നത്. ഈ തീരുമാനങ്ങള് തിരുത്തേണ്ട കാലം അതിക്രമിച്ചതായും അദേഹം വ്യക്തമാക്കി.
