കാസർഗോഡ് റോഡ് നിയമം പാലിക്കുന്നവർക്ക് പെട്രോൾ സമ്മാനമായി നൽകി. റോഡുസുരക്ഷാ വാരത്തിന്ടെ ഭാഗമായാണ് ഇങ്ങനെയൊരു സംഭവം. റോഡ് സുരക്ഷയ്ക്ക് വേണ്ടിയും മറ്റുള്ളവർക്ക് പ്രജോദനമാകാൻ വേണ്ടിയും കൂടിയാണ് അധികൃതർ ഇങ്ങനെയൊരു സമ്മാന വിദ്യ നടപ്പിലാക്കിയത്.
കെ.എൽ 14 റൈഡേഴ്സ് ക്ലബ് നേതൃത്യത്തിൽ പല കേന്ദ്രങ്ങളിലായി നടത്തിയ പരിശോധനയിൽ കാർ ഓടിച്ച രണ്ട് വനിതകൾ ഉൾപ്പെടെ സമ്മാനാർഹമായ 20 പേരെയാണ് തിരഞ്ഞെടുത്തത്. 6 കാർ, രണ്ട് ഓട്ടോ, ഒരു പിക്കപ്പ് വാൻ, 11 ഇരുചക്രവാഹനങ്ങൾക്കുമാണ് സമ്മാനാർഹമായ 1 ലിറ്റർ പെട്രോൾ ലഭിച്ചിരിക്കുന്നത്.
