കൊച്ചി : ശബരിമല തീര്ത്ഥാടനം സുഗമമാക്കാന് ഹൈക്കോടതി നിയോഗിച്ച നിരീക്ഷണ സമിതി ഇന്ന് ആദ്യയോഗം ചേരും. ഇന്ന് ഉച്ചയ്ക്ക് രണ്ടരയ്ക്കാണ് സമിതിയുടെ ആദ്യയോഗം. ആലുവയില് തിരുവിതാംകൂര് ദേവസ്വം ബോര്ഡ് ഗസ്റ്റ് ഹൗസിലാണ് മൂന്നംഗ സമിതി യോഗം ചേരുക.
ജസ്റ്റിസ് പി ആര് രാമന്, ജസ്റ്റിസ് സിരിജഗന്, ഡിജിപി എ ഹേമചന്ദ്രന് എന്നിവരുള്പ്പെട്ട സംഘമാണ് യോഗം ചേരുന്നത്. ഈ സീസണിലെ ശബരിമല തീര്ത്ഥാടനത്തിന് സമ്പൂര്ണ്ണ മേല്നോട്ട ചുമതലയും, തല്സമയം തീരുമാനങ്ങളെടുക്കാനുള്ള അധികാരവുമാണ് ഹൈക്കോടതി ഈ സമിതിക്ക് നല്കിയത്.
