ന്യൂദല്ഹി: ജെ.എന്.യു വിദ്യാര്ഥികള് രാഷ്ട്രപതി ഭവനിലേക്ക് നടത്തിയ മാര്ച്ചില് സംഘര്ഷം. രാഷ്ട്രപതി ഭവനിലേക്ക് വിദ്യാര്ത്ഥികള് ചാടിക്കയറാന് ശ്രമിച്ചതോടെ പോലീസ് ലാത്തിച്ചാര്ജ് നടത്തി. ഹോസ്റ്റല് ഫീസ് വര്ധന പൂര്ണമായും പിന്വലിക്കണമെന്ന വിദ്യാര്ഥികളുടെ ആവശ്യം സര്ക്കാര് നിരസിച്ചതോടെയാണ് വിദ്യാര്ഥികള് രാഷ്ട്രപതി ഭവനിലേക്ക് മാര്ച്ച് നടത്തിയത്.
വിദ്യാര്ഥികള്ക്കെതിരായ എല്ലാ പോലീസ് കേസുകളും പിന്വലിക്കണമെന്നും ആവശ്യപ്പെട്ട് രാഷ്ട്രപതി രാം നാഥ് കോവിന്ദിന് ജവഹര്ലാല് നെഹ്റു യൂണിവേഴ്സിറ്റി സ്റ്റുഡന്റ്സ് യൂണിയന് നേരത്തെ ഇമെയില് അയച്ചിരുന്നു. ഇതിന് മറുപടി ലഭിക്കാത്തതിനെ തുടർന്നാണ് മാര്ച്ച് നടത്തിയത്.
