ലഖ്നൗ: ഉന്നാവോ പീഡനക്കേസ് ഇരയ്ക്കും കുടുംബത്തിനും സംഭവിച്ച വാഹനാപകടത്തില് പീഡനക്കേസില് പ്രതിയായ ബിജെപി എംഎല്എ
കുല്ദീപ് സിങ് സെന്ഗാര്, സഹോദരന് മനോജ് സിങ് സെന്ഗാര് എന്നിവര്ക്കെതിരെ ഉത്തര്പ്രദേശ് പൊലീസ് എഫ്ഐആര് രജിസ്റ്റര് ചെയ്തു. ഇവരുള്പ്പെടെ പത്തുപേര്ക്ക് എതിരെയാണ് കേസെടുത്തത്. കൊലക്കുറ്റത്തിനാണ് കേസ് രജിസ്റ്റര് ചെയ്തിരിക്കുന്നത്. അപകടത്തില് സാരമായി പരിക്കേറ്റ പെണ്കുട്ടിയുടെ നില ഗുരതമായി തുടരുകയാണ്.
പരാതിക്കാരിയായ പെണ്കുട്ടി സഞ്ചരിച്ചിരുന്ന കാറില് ട്രക്കിടിച്ചാണ് അപകടം നടന്നത്. കാറിലുണ്ടായിരുന്ന പെണ്കുട്ടിയുടെ അമ്മയും ബന്ധുവും മരിച്ചു.ഇവര്ക്കൊപ്പമുണ്ടായിരുന്ന അഭിഭാഷകനും സാരമായി പരിക്കേറ്റിട്ടുണ്ട്. റായ്ബറേലിയില് വെച്ച് ഇന്നലെ ഉച്ചയോടാണ് സംഭവം നടന്നത്. ഇതിന് പിന്നാലെ പീഡനക്കേസില് പ്രതിയായ എംഎല്എയ്ക്ക് സംഭവത്തില് പങ്കുണ്ടെന്ന് ആരോപണം ഉയര്ന്നിരുന്നു.
