ശ്രീനഗര്: ജമ്മു കശ്മീരിലെ കിഷ്ത്വാറില് മിനിബസ് കൊക്കയിലേക്ക് മറിഞ്ഞ് 33 പേര് മരിച്ചു; 22 പേര്ക്ക് പരിക്കേറ്റു. ഇവരില് അഞ്ചു പേരുടെ നില ഗുരുതരമാണ്. റോഡില് നിന്ന് തെന്നിമാറിയ ബസ് കൊക്കയിലേക്ക് പതിക്കുകയായിരുന്നു. സിര്ഗ്വാരിയില് തിങ്കളാഴ്ച രാവിലെയായിരുന്നു അപകടം.
അപകട കാരണം വ്യക്തമായിട്ടില്ല. ബസില് അമിതമായി ആളുകളെ കയറ്റിയിരുന്നുവെന്നാണ് സൂചന. പരിക്കേറ്റവരെ വിഗദ്ധ ചികിത്സയ്ക്ക് ജിഎംസി ആശുപത്രിയില് എത്തിക്കാന് ഹെലികോപ്ടര് സേവനം തേടിയതായി കിഷ്ത്വാര് ഡെപ്യൂട്ടി കലക്ടര് അഗ്രീസ് സിംഗ് റാണ പറഞ്ഞു. അപകടം കണ്ട നാട്ടുകാരാണ് ആദ്യം രക്ഷാപ്രവര്ത്തനം തുടങ്ങിയത്. ദുരന്തത്തില് കേന്ദ്ര ആഭ്യന്തരമന്ത്രി അമിത് ഷാ അനുശോചനം രേഖപ്പെടുത്തി.
ജൂണ് 27ന് പൂഞ്ചിലെ മുഗുല് റോഡില് അമിത വേഗതയില് വന്ന ടെംപോ ട്രാവലര് റോഡില് നിന്ന് തെന്നിമാറി കൊക്കയിലേക്ക് മറിഞ്ഞ് 11 വിദ്യാര്ത്ഥികള് മരിച്ചിരുന്നു
