കേവലം ഒരു ശബ്ദമല്ലായിരുന്നു; ഗോപനെ അനുസ്മരിച്ച് സംവിധയകന്‍ ജിസ് ജോയിയുടെ കുറിപ്പ്  

315 0

വിജയ് സൂപ്പറും പൗര്‍ണമിയും എന്ന ചിത്രത്തില്‍ പരിചയപ്പെടുത്താന്‍ ഉപയോഗിച്ച ശബ്ദത്തിനുടമ ഗോപനെ അനുസ്മരിച്ച് സംവിധായകന്‍ ജിസ്സ് ജോയ്. ഫെയ്സ്ബുക്ക് കുറിപ്പിലൂടെയാണ് അദ്ദേഹം ഓര്‍മ്മകള്‍ പങ്കുവച്ചത്.

ജിസ് ജോയുടെ ഫെയ്സ്ബുക്ക് പോസ്റ്റിന്റെ പൂര്‍ണരൂപം,

കേവലം ഒരു ശബ്ദമല്ലായിരുന്നു ??????

വിജയ് സൂപ്പറും പൗര്‍ണ്ണമിയും എന്ന എന്റെ ഏറ്റവും പുതിയ ചിത്രത്തില്‍ , തുടക്കത്തിലെ ഉള്ള ശബ്ദം ( നരേഷന്‍ ) ഗോപന്‍ ചേട്ടന്റേതായിരുന്നു ( ശ്വാസകോശം -പുകവലി പാടില്ല പരസ്യത്തിലൂടെ പ്രശസ്തമായ ശബ്ദത്തിനുടമ )

മലയാള സിനിമയില്‍ സ്ഥിരം നരേഷന്‍ പലപ്പോഴും പ്രമുഖരായ ഏതാനും സംവിധായകരോ ശ്രീനിയേട്ടനോ ഒക്കെ ആണ് ചെയ്യാറ് എന്റെ സിനിമയില്‍ അതൊന്നു മാറ്റി പിടിക്കാം എന്ന് കരുതി , നമ്പര്‍ തേടിപ്പിടിച്ചു വിളിച്ചപ്പോള്‍ ഏറെ സന്തോഷത്തോടെ ചെയ്യാം എന്ന് ഗോപന്‍ ചേട്ടന്‍ സമ്മതിച്ചു ! ഞാന്‍ ഇവിടെനിന്നു ട്രാക്ക് ഡബ് ചെയ്തു അയച്ചു കൊടുത്തു , അതു കേട്ടു ഡല്‍ഹിയിലെ ഏതോ സ്റ്റുഡിയോയില്‍ പോയി ഡബ് ചെയ്ത് എനിക്ക് അയച്ചു തന്നു കേട്ടപ്പോള്‍ ഞാന്‍ ഒരുപാട് ചിരിച്ചു ! നന്ദി പറയാന്‍ ഞാന്‍ വിളിച്ചപ്പോള്‍ എന്നോട് പരിഭവം പോലെ പറഞ്ഞു ' എന്തോ , സിനിമയില്‍ എന്റെ ശബ്ദം അങ്ങനെ ആരും ഉപയോഗിച്ചിട്ടില്ല , എനിക്ക് ഏറെ ആഗ്രഹം ഉണ്ടായിരുന്നിട്ടും. എന്ത് തോന്നി എന്റെ വോയ്‌സ് ഈ സിനിമയില്‍ ഉപയോഗിക്കാന്‍ ?' ഞാന്‍ പറഞ്ഞു 'പുതുമ'. പിന്നെ ചേട്ടന്റെ ശബ്ദം ഒരു ഫ്ലാഷ് മോബിന്റെ എഫക്ട് എനിക്ക് ചെയ്യാറുണ്ട് , അത് സിനിമയിലൂടെ പ്രേക്ഷകര്‍ക്കും നല്കാന്‍ ആയാല്‍ നല്ലതല്ലേ ? അദ്ദേഹം അത് കേട്ടു ഏറെ ചിരിച്ചു സിനിമയ്ക്ക് ആശംസ അറിയിച്ചു ഫോണ്‍ വെച്ചു ഏറെ നാള്‍ കഴിഞ്ഞു സിനിമ ഡല്‍ഹിയില്‍ കണ്ടതിനു ശേഷം എന്നെ ഫോണില്‍ വിളിക്കുകയും കേരളത്തില്‍ വരുമ്പോള്‍ നമുക്ക് കാണാം എന്ന് പറയുകയും ചെയ്തു
വിജയ് സൂപ്പറും പൗര്‍ണ്ണമിയും കണ്ട എത്രയോ പേര്‍ എന്നെ വിളിച്ചു അദ്ദേഹത്തിന്റെ ശബ്ദം ഉപയോഗിക്കാന്‍ തോന്നിയതു നന്നായെന്ന് പറഞ്ഞു

ഇന്നലെ ഒരു പ്രമുഖ സംവിധായകന്‍ എന്റെ കയ്യില്‍ നിന്നും ഗോപന്‍ ചേട്ടന്റെ നമ്പര്‍ വാങ്ങി , ഒരു പരസ്യം ഡബ് ചെയ്യിക്കാന്‍ അടുത്ത ആഴ്ചയാണ് ഡബ്ബിങ് അതിനു മുന്‍പ് എന്നോടൊന്ന് വിളിച്ചു ഗോപന്‍ ചേട്ടന്റെ അടുത്ത് ശിേൃീറൗരല ചെയ്യണമെന്നും സംവിധായക സുഹൃത്തു ആവശ്യപ്പെട്ടു ഞാന്‍ സമ്മതിച്ചു

പെട്ടന്ന് ഇപ്പോ ഈ വാര്‍ത്ത കേള്‍ക്കുമ്പോള്‍ വിശ്വസിക്കാനാവുന്നില്ല എല്ലാ വേര്‍പാടും അങ്ങനെ ആണല്ലോ അല്ലെ

അതെ , നമുക്ക് ഇദ്ദേഹത്തിന്റെ ശബ്ദം കേള്‍ക്കുമ്പോള്‍ ലഭിച്ചിരുന്നത് ഒരു ഫ്ലാഷ് മോബ് കാണും പോലുള്ള ഊഷ്മളതയും ഉണര്‍വും ആയിരുന്നു ആലോചിച്ചു നോക്കുമ്പോള്‍ മറ്റാരും ഇല്ല ഒരു ശബ്ദം കൊണ്ട് മാത്രം അതൊക്കെ നമ്മിലുളവാക്കാന്‍

സിനിമയില്‍ അദ്ദേഹത്തിന്റെ ശബ്ദം കൊണ്ടുവരാന്‍ ഒരു നിയോഗമായതിന് പിന്നിലും ഉണ്ടാകും എന്തേലുമൊക്കെ നിയോഗങ്ങള്‍ .. ഇപ്പോ എനിക്കതു അറിയില്ല …
ഒരിക്കല്‍ പോലും നേരില്‍ കണ്ടിട്ടില്ലാത്ത പ്രിയ ഗോപന്‍ ചേട്ടന് വേദനയോടെ വിട .. പ്രണാമം
അങ്ങയുടെ ശബ്ദം ' കേവലം ഒരു ശബ്ദമല്ലായിരുന്നു ഞങ്ങള്‍ക്ക് ' ??????

Related Post

നൂറാം ചിത്രത്തില്‍ ടൈറ്റില്‍ റോളില്‍ സൈജു കുറുപ്പ്; ഉപചാരപൂര്‍വം ഗുണ്ടാ ജയന്‍  

Posted by - Mar 12, 2021, 10:34 am IST 0
കരിയറിലെ നൂറാം ചിത്രത്തില്‍ ടൈറ്റില്‍ റോളില്‍ സൈജു കുറുപ്പ്. ദുല്‍ഖര്‍ സല്‍മാന്റെ നിര്‍മ്മാണത്തില്‍ ഒരുങ്ങുന്ന ഉപചാരപൂര്‍വ്വം ഗുണ്ട ജയന്‍ എന്ന ചിത്രത്തിലാണ് സൈജു ടൈറ്റില്‍ റോളില്‍ എത്തുന്നത്.…

ചങ്ക്സിന്റെ രണ്ടാം ഭാഗം വരുന്നു; ബാലു വര്‍ഗീസും ഹണി റോസും മുഖ്യവേഷത്തില്‍; അതിഥി വേഷത്തില്‍ ബോളിവുഡ് താരം  

Posted by - May 1, 2019, 09:54 am IST 0
ഒമര്‍ ലുലു സംവിധാനം ചെയ്ത് ബോക്‌സോഫീസില്‍ വിജയം നേടിയ ചങ്ക്സിന്റെ രണ്ടാം ഭാഗം വരുന്നു. ബാലു വര്‍ഗീസും ഹണിറോസും തന്നെയാണ് രണ്ടാംഭാഗത്തിലും പ്രധാന കഥാപാത്രങ്ങളെ അവതരിപ്പിക്കുന്നത്. ഒരു…

കീരിക്കാടന്‍ ജോസിന് എല്ലാ സഹായവും നല്‍കുന്നുണ്ട്: ഇടവേള ബാബു

Posted by - Dec 23, 2019, 03:24 pm IST 0
തിരുവനന്തപുരം: നടന്‍ കീരിക്കാടന്‍ ജോസ്  രോഗാവസ്ഥയില്‍ കൂട്ടിനാരുമില്ലാതെ തിരുവനന്തപുരം ജനറല്‍ ആസ്പത്രിയില്‍  കഴിയുന്നതായി പ്രചരിക്കുന്ന വാര്‍ത്ത സത്യമല്ലെന്ന്  ഇടവേള ബാബു. കീരിക്കാടന്‍ ജോസ് ആസ്പത്രിയിലാണ് എന്ന വാര്‍ത്ത…

ദിലീപ് ആരാധകന്റെ കഥയുമായി 'ഷിബു' അടുത്ത മാസം തിയേറ്ററുകളില്‍  

Posted by - May 29, 2019, 06:33 pm IST 0
ദിലീപ് ഫാനായ യുവാവിന്റെ കഥയുമായി 'ഷിബു' അടുത്ത മാസം റിലീസിനെത്തും. സംവിധായകരായ  സത്യന്‍ അന്തിക്കാടിന്റെയും ലാല്‍ ജോസിന്റെയും സിനിമകളുടെ ആരാധകനായ നായകന്‍ സിനിമ പഠിക്കുന്നതും അതിനിടയില്‍ ഉണ്ടാകുന്ന…

കൊട്ടാരക്കര ശ്രീധരന്‍ നായരുടെ കുടുംബത്തില്‍ നിന്ന് വെള്ളിത്തിരയിലേക്ക് തുമ്പി നന്ദനയും  

Posted by - Mar 3, 2021, 09:30 am IST 0
പ്രശസ്ത നാടക നടന്‍ കൊട്ടാരക്കര ശ്രീധരന്‍ നായരുടെ കുടുംബത്തില്‍ നിന്ന് ഒരാള്‍ക്കൂടി അഭിനയ രംഗത്തേക്ക്. കൊട്ടാരക്കരയുടെ മൂത്ത മകള്‍ ജയശ്രീയുടെ ചെറുമകളും സിന്ധുവിന്റെയും ഗോപാലിന്റെയും മകളുമായ തുമ്പി…

Leave a comment