തിരുവനന്തപുരം: ശബരിമലയില് യുവതികള് എത്തിയെന്ന് സ്ഥിരീകരിച്ച് ദേവസ്വംമന്ത്രി. ഓണ്ലൈന് വഴി ബുക്ക് ചെയ്ത 51 പേരാണ് ശബരിമല കയറാന് എത്തിയതെന്ന് ദേവസ്വംമന്ത്രി കടകംപള്ളി സുരേന്ദ്രന് സ്ഥിരീകരിച്ചു. പത്തിനും അമ്പതിനുമിടക്ക് പ്രായമുള്ള സ്ത്രീകളാണ് ശബരിമലയിലെത്തിയത്. ഇതിന്റെ വിശദമായ പട്ടികയാണ് സുപ്രീംകോടതിയില് സമര്പ്പിച്ചത്.
7564 യുവതികള് ഓണ്ലൈന് വഴി ബുക്ക് ചെയ്തിരുന്നെന്നും കടകംപള്ളി പറഞ്ഞു. സുരക്ഷ ഉറപ്പു വരുത്തണമെന്നാവശ്യപ്പെട്ട് ബിന്ദുവും കനകദുര്ഗയും നല്കിയ ഹര്ജിയിലാണ് സുപ്രീംകോടതിയില് സര്ക്കാര് പട്ടിക നല്കിയത്. കൂടുതല് പേരും ആന്ധ്രാപ്രദേശ്, തമിഴ്നാട് സംസ്ഥാനങ്ങളില് നിന്നുള്ളവരാണ്. പേരും ആധാര് കാര്ഡുമടക്കമുള്ള വിശദവിവരങ്ങളടങ്ങിയ പട്ടികയാണ് കോടതിയില് നല്കിയിരിക്കുന്നത്. ചീഫ് ജസ്റ്റിസ് രഞ്ജന് ഗൊഗോയ് അധ്യക്ഷനായ ബഞ്ചാണ് ഇന്ന് ഹര്ജി പരിഗണിച്ചത്.
