തിരുവനന്തപുരം: തുമ്പ പോലീസ് സ്റ്റേഷനില് എസ് ഐക്കും പോലീസുകാര്ക്കും നേരെ അക്രമം. വെള്ളിയാഴ്ച രാത്രിയോടെയാണ് ഒരു സംഘം പ്രവര്ത്തകര് പോലീസ് സ്റ്റേഷനിലേക്ക് അതിക്രമിച്ച് കടന്നത്. 25 സി പി എം പ്രവര്ത്തകര്ക്കെതിരെ പോലീസ് കേസെടുത്തു. തുടര്ന്ന് ഇവര് എസ് ഐയെയും സംഘത്തെയും അസഭ്യങ്ങള് പറയുകയും ആക്രമിക്കുകയും ചെയ്യുകയായിരുന്നു.
വെള്ളിയാഴ്ച രാത്രി പോലീസ് നടത്തിയ വാഹന പരിശോധനക്കിടയില് തടസം ഉണ്ടാക്കിയെന്നാരോപിച്ച് സി പി എം പ്രവര്ത്തകരെ അറസ്റ്റ് ചെയ്തിരുന്നു. ഇവരെ മര്ദിച്ചുവെന്നാരോപിച്ചാണ് അക്രമം നടത്തിയത്. പഴയ കേസുകളുടെ പേരു പറഞ്ഞാണു 'സൂക്ഷിച്ചില്ലെങ്കില് ദുഃഖിക്കേണ്ടിവരുമെന്ന' ഭീഷണിപ്പെടുത്തുകയും ചെയ്തിരുന്നു. ജില്ലാ കമ്മിറ്റിയംഗങ്ങളായ ആറ്റിപ്ര സദാനന്ദന്, വി.എസ്.പത്മകുമാര് എന്നിവരുടെ നേതൃത്വത്തിലാണ് സംഘര്ഷം ഉണ്ടായത്.
