ലണ്ടന്: സ്ത്രീകള് ഒട്ടും സുരക്ഷിതരല്ലാത്തതും അപകടം നിറഞ്ഞതുമായ രാജ്യം ഇന്ത്യയെന്ന് സര്വേ റിപ്പോര്ട്ട്. യുദ്ധമേഖലകളായ അഫ്ഗാനിസ്ഥാനും സിറിയയുമാണ് രണ്ടും മൂന്നും സ്ഥാനങ്ങളിലുള്ളത്. ലൈംഗികാതിക്രമത്തിന്റെ കാര്യത്തില് അമേരിക്ക മൂന്നാം സ്ഥാനത്തുണ്ട്. ഈ പട്ടികയില് ഇടം പിടിക്കുന്ന ഏക പാശ്ചാത്യ രാജ്യമാണ് അമേരിക്ക. സൊമാലിയയും സൗദി അറേബ്യയുമാണ് നാലും അഞ്ചും സ്ഥാനങ്ങളിലുള്ളത്.
ഇന്ത്യയില് ഓരോ ദിവസവും പീഡനങ്ങള് വര്ധിച്ചു വരുന്ന സാഹചര്യത്തിലാണ് ഇത്തരത്തിലൊരു റിപ്പോര്ട്ട് എത്തിയിരിക്കുന്നത്. 2011ല് സമാനമായ സര്വേ നടത്തിയിരുന്നു. അന്നും സ്ത്രീകള് സുരക്ഷിതരല്ലാത്ത രാജ്യങ്ങളുടെ പട്ടികയില് ആദ്യ അഞ്ചില് തന്നെ ഇന്ത്യ ഇടം പിടിച്ചിരുന്നു. സ്ത്രീകളുടെ പ്രശ്നങ്ങളുമായി ബന്ധപ്പെട്ട് പ്രവര്ത്തിക്കുന്ന 550 ഓളം വിദഗ്ദര്ക്കിടയില് റോയിറ്റേഴ്സ് ഫൗണ്ടേഷന് നടത്തിയ സര്വേ ഫലമാണ് ഇത്തരത്തിലൊരു റിപ്പോര്ട്ട് വ്യക്തമാക്കുന്നത്.
