ചെങ്ങന്നൂര്: കേരള രാഷ്ട്രീയം ഉറ്റുനോക്കിയ ചെങ്ങന്നൂര് ഉപതിരഞ്ഞെടുപ്പില് എല്.ഡി.എഫ് സ്ഥാനാര്ത്ഥി സജി ചെറിയാന് മുന്നേറുമ്പോള് യു.ഡി.എഫിനും ബി.ജെ.പിക്കും തങ്ങളുടെ ശക്തി കേന്ദ്രങ്ങളായ മാന്നാറിലും പാണ്ടനാടും കാലിടറി. മാന്നാറിലെ 50 ബൂത്തുകളില് നിന്നായി കഴിഞ്ഞ തവണ ലഭിച്ച വോട്ടുകളുടെ പകുതി പോലും നേടാന് ഇത്തവണ യു.ഡി.എഫിന് സാധിച്ചില്ല.
യു.ഡി.എഫിന് മാത്രമല്ല, ബി.ജെ.പിക്കും കനത്ത ക്ഷീണമാണ് ഇവിടെ ഉണ്ടായിരിക്കുന്നത്. പാണ്ടനാട് പഞ്ചായത്തില് കഴിഞ്ഞ തവണ ലഭിച്ച വോട്ടുകള് നേടാന് ബി.ജെ.പിക്കും സാധിച്ചിട്ടില്ല. തിരുവന്വണ്ടൂരിലെ പത്തില് ഒമ്ബത് ബൂത്തിലും ലീഡ് നേടിയാണ് സജി ചെറിയാന്റെ കുതിപ്പ്. പാണ്ടനാട് ഒട്ടുമിക്ക ബൂത്തുകളിലും എല്.ഡി.എഫ് ലീഡ് നേടിയപ്പോള് മാന്നാറിലെ പോലെ ലീഡ് ഉയര്ത്താന് സജി ചെറിയാണ് സാധിച്ചില്ല എന്നത് മാത്രമാണ് യു.ഡി.എഫിനുണ്ടായ ഏക ആശ്വാസം.
