ശ്രീനഗര്: ജമ്മുകശ്മീരിലെ പുല്വാമയില് സൈനിക ക്യാമ്പിന് നേരെയുണ്ടായ ഭീകരാക്രമണത്തില് രണ്ടുപേര് കൊല്ലപ്പെട്ടു. ഒരു ജവാനും പ്രദേശവാസിയുമാണ് ഭീകരാക്രമണത്തില് കൊല്ലപ്പെട്ടത്. ഭീകരരുമായി ഉണ്ടായ ഏറ്റുമുട്ടലിനിടെയാണ് ജവാനും പ്രദേശവാസിക്കും വെടിയേറ്റത്.
ഗുരുതരമായി പരിക്കേറ്റ ഇരുവരെയും ഉടന് ആശുപത്രിയില് പ്രവേശിപ്പിച്ചുവെങ്കിലും ജീവന് രക്ഷിക്കാനായില്ല. റംസാനില് കശ്മീരില് സൈന്യം വെടിനിര്ത്തല് പ്രഖ്യാപിച്ചതിന് ശേഷം നടക്കുന്ന ആദ്യത്തെ ഭീകരാക്രമണമാണ് ഇത്. പുല്വാമയിലെ കാകപോറയിലുള്ള രാഷ്ട്രീയ റൈഫിള്സിന്റെ ക്യാമ്പിന് നേരെയാണ് ആക്രമണം നടന്നത്. കൊല്ലപ്പെട്ട പ്രദേശവാസിയെ തിരിച്ചറിഞ്ഞിട്ടുണ്ട്.
