ന്യൂഡല്ഹി: വരാപ്പുഴയിലെ ശ്രീജിത്ത് എന്ന യുവാവ് പൊലീസ് കസ്റ്റഡിയില് മരിക്കാനിടയായതില് സി.പി.എമ്മിന് പങ്കുണ്ടെന്ന് കെ.പി.സി.സി അദ്ധ്യക്ഷന് എം.എം ഹസന് ആരോപിച്ചു. മുഖ്യമന്ത്രി പിണറായി വിജയനും സി.പി.എം നേതാക്കള്ക്കും ശ്രീജിത്തിന്റെ വീട്ടില് പോകാനും മാതാപിതാക്കളെയും ഭാര്യയെയും ആശ്വസിപ്പിക്കാനും കഴിയാത്തത് കുറ്റബോധം കൊണ്ടാണ്.
പൊലീസിനെ മുഖ്യമന്ത്രി കയറൂരി വിട്ടിരിക്കുകയാണ്. ശ്രീജിത്തിന്റെ കസ്റ്റഡി മരണക്കേസുമായി ബന്ധപ്പെട്ട് ആലുവ മുന് റൂറല് എസ്.പി എ.വി.ജോര്ജിനെതിരെ കൊലക്കുറ്റത്തിന് കേസ് എടുക്കണമെന്നും ഹസന് ആവശ്യപ്പെട്ടു. ശ്രീജിത്തിനെ കസ്റ്റഡിയിലെടുക്കാന് റൂറല് എസ്.പിക്ക് സി.പി.എമ്മിന്റെ പ്രാദേശിക നേതൃത്വം നിര്ദേശം നല്കിയതായി സഹോദരന് മൊഴി നല്കിയിട്ടുണ്ടെന്നും ഡല്ഹിയില് അദ്ദേഹം മാദ്ധ്യമ പ്രവര്ത്തകരോട് പറഞ്ഞു.
