ന്യൂഡല്ഹി: കഴിഞ്ഞ ദിവസം ശബരിമലയില് ക്ഷേത്രദര്ശനം നടത്തിയ സ്ത്രീകള് മാവോയിസ്റ്റുകളാണെന്ന് ബിജെപി നേതാവ് വി.മുരളീധരന്. ഇന്നലെ രണ്ട് സ്ത്രീകള് ശബരിമല ക്ഷേത്രത്തില് കയറി. അവര് വിശ്വാസികളല്ല. അവര് മാവോയിസ്റ്റുകളും നക്സലുകളുമാണെന്നും മുരളീധരന് വാര്ത്താ ഏജന്സിയായ എ.എന്.ഐയോട് പറഞ്ഞു.
സിപിഎമ്മും തിരഞ്ഞെടുക്കപ്പെട്ട പോലീസുകാരും ചേര്ന്ന് തയ്യാറാക്കിയ പദ്ധതി പ്രകാരമാണ് അവര് ക്ഷേത്രത്തിലെത്തിയത്. സര്ക്കാര് കൂടി പങ്കാളിയായ കൃത്യമായ ആസൂത്രണവും ഗൂഢാലോചനയും ഇതിന് പിന്നില് നടന്നു.
മുഖ്യമന്ത്രി പിണറായി വിജയനും സിപിഎമ്മും ഹിന്ദു ക്ഷേത്രത്തിനും അയ്യപ്പ വിശ്വാസികള്ക്കും എതിരെ നടത്തിയ ഗൂഢാലോചനയാണിത്.കേരളത്തിലെ ഹിന്ദു ക്ഷേത്രങ്ങള്ക്കെതിരായ കയ്യേറ്റമാണിത്. കേരളത്തിന് മാത്രമല്ല, രാജ്യത്തിന് തന്നെ ഇത് കറുത്ത ദിനമാണ്.
