തിരുവനന്തപുരം: നിയുക്ത മന്ത്രി കെ.കൃഷ്ണന്‍കുട്ടിയും മാത്യു ടി. തോമസും കൂടിക്കാഴ്ച നടത്തി. മാത്യു ടി. തോമസ് മന്ത്രിസ്ഥാനം രാജിവച്ചതിന് പിന്നാലെയാണ് ഇരുവരും കൂടിക്കാഴ്ച നടത്തിയത്. തിരുവനന്തപുരം തൈക്കാട് ഗസ്റ്റ് ഹൗസിലായിരുന്നു ചര്‍ച്ച.
മാത്യു ടി. തോമസിന്‍റെ അഭിപ്രായങ്ങള്‍ സ്വീകരിച്ചായിരിക്കും താന്‍ മുന്നോട്ടുപോകുക എന്നും പാര്‍ട്ടിയില്‍ മന്ത്രി സ്ഥാനത്തെച്ചൊല്ലി അഭിപ്രായ വ്യത്യാസങ്ങള്‍ ഒന്നുമില്ലെന്നും കൂടിക്കാഴ്ചയ്ക്ക് ശേഷം കെ.കൃഷ്ണന്‍കുട്ടി പറഞ്ഞു.
