തിരുവനന്തപുരം: പ്രായഭേദമന്യേ സ്ത്രീകള്ക്ക് ശബരിമലയില് പ്രവേശിപ്പിക്കാമെന്ന സുപ്രീം കോടതി വിധിക്ക് പിന്നാലെ സംസ്ഥാനത്ത് ആരംഭിച്ച പ്രതിഷേധങ്ങള്ക്ക് ശക്തി പകരാന് സംസ്ഥാന രാഷ്ട്രീയത്തിലേക്ക് തിരിച്ചു വരുമെന്ന വാര്ത്തകളോട് നിലപാട് വ്യക്തമാക്കി കുമ്മനം രാജശേഖരന്.
തിരികെ എത്തുമെന്ന വാര്ത്തകളെ കുറിച്ച് അറിവില്ലെന്നും രാഷ്ട്രപതി പറയുന്നത് അനുസരിക്കാന് മാത്രമാണ് സാധിക്കുകയുള്ളുവെന്നും അദ്ദേഹം ഒരു ഓണ്ലൈന് മാധ്യമത്തോട് പ്രതികരിച്ചു.
തന്റെ താത്പര്യമനുസരിച്ചാണ് പ്രവര്ത്തിക്കുന്നതെങ്കില് ഇന്ന് മിസോറാം ഗവര്ണറായി ഇരിക്കേണ്ടി വരില്ലായിരുന്നുവെന്നും അദ്ദേഹം കൂട്ടിച്ചേര്ത്തു. ഗവര്ണര് എന്ന നിലയില് ശബരിമലയിലെ സ്ത്രീപ്രവേശനം സംബന്ധിച്ച് അഭിപ്രായം പാടില്ലെന്നും അദ്ദേഹം വ്യക്തമാക്കി.
