സഹറാന്പൂര്: ഉത്തര്പ്രദേശില് മാധ്യമപ്രവര്ത്തകനേയും സഹോദരനേയും വെടിവെച്ചുകൊന്നു. ദൈനിക് ജാഗരണ് പത്രത്തിലെ ആശിഷ് ജന്വാനിയയാണ് കൊല്ലപ്പെട്ടത്. മദ്യലോബിയാണ് കൊലപാതകത്തിന് പിന്നിലെന്നാണ് നിഗമനം. സഹറാന്പൂരില് വെച്ചാണ് കൊലപാതകം നടന്നത്. ഇദ്ദേഹത്തിന് നാളുകളായി മദ്യ മാഫിയയില് നിന്ന് ഭീഷണികള് നേരിട്ടിരുന്നു.
ആശുപത്രിയില് എത്തിച്ചതിന് ശേഷമാണ് ആശിഷ് മരിച്ചത്. സഹോദരന് സംഭവസ്ഥലത്തു തന്നെ മരിച്ചു. കൊലപാതകവുമായി ബന്ധപ്പെട്ട് ചിലരെ പൊലീസ് കസ്റ്റഡിയിലെടുത്തിട്ടുണ്ട്. ഇവരെ ചോദ്യം ചെയ്തുവരികയാണ്.
കൊലപാതകത്തിന് പിന്നാലെ സഹറാന്പൂരില് കടുത്ത പ്രതിഷേധമാണ് ഉയര്ന്നിരിക്കുന്നത്. തനിക്കെതിരെ നിരന്തരം വധഭീഷണിയുണ്ടെന്ന് ആശിഷ് പരാതിപ്പെട്ടിട്ടും പൊലീസ് നടപടി സ്വീകരിച്ചില്ലെന്ന് പ്രദേശവാസികള് ആരോപിച്ചു.
