പനാജി: യാത്രയ്ക്കിടെ വിമാനത്തിന്റെ ശുചിമുറിയില് പുകവലിച്ച യാത്രക്കാരനെ വിമാന ജീവനക്കാര് കൈയ്യോടെ പിടികൂടി. ക്രിസ്മസ് ദിനത്തില് അഹമ്മദാബാദില് നിന്ന് ഗോവയിലേക്ക് വരികയായിരുന്ന ഇന്ഡിഗോ വിമാനത്തിലായിരുന്നു സംഭവം. വിമാനം പറക്കുന്നതിനിടെ ഇയാള് ശുചിമുറിയില് കയറി പുകവലിക്കുകയായിരുന്നു. തുടര്ന്ന് പുകയുടെ ഗന്ധം പുറത്തേക്കെത്തിയതോടെ ജീവനക്കാര് ഇയാളെ പിടികൂടുകയും ചെയ്തു.
ഇന്ത്യയില് ആഭ്യന്തര വിമാനസര്വ്വീസുകളില് പുകവലിക്കുന്നത് നിയമവിരുദ്ധമാണ്. ഒടുവില് വിമാനം ഗോവയിലെത്തിയപ്പോള് പൊലീസ് ഇയാളെ പിടികൂടി സി.ഐ.എസ്.എഫിന് കൈമാറുകയും ചെയ്തു. കഴിഞ്ഞ ആഴ്ചയില് വിമാനത്തില് പുകവലിക്കാന് സമ്മതിക്കാത്തതിനെ തുടര്ന്ന് യാത്രക്കാരനെയും കുടുംബത്തിനെയും ഡല്ഹി വിമാനത്താവളത്തില് ഇറക്കിവിട്ടിരുന്നു. ബഹളത്തെ തുടര്ന്ന് വിമാനം മൂന്ന് മണിക്കൂറാണ് വൈകിയത്.
