ന്യൂ ഡൽഹി : ആർസിഇപി ഉച്ചകോടിയിൽ പങ്കെടുക്കാനായി പ്രധാനമന്ത്രി നരേന്ദ്ര മോഡി ബാങ്കോക്കിലേക്ക് ഇന്ന് യാത്ര തിരിക്കും.
ഉച്ചകോടിക്ക് പുറമെ പതിനാറാമത് ആസിയാൻ ഉച്ചകോടിയിലും പതിനാലാമത് ഈസ്റ്റ് ഏഷ്യ ഉച്ചകോടിയിലും അദ്ദേഹം പങ്കെടുക്കും. ആർസിഇപിയുടെ സ്വതന്ത്ര വ്യാപാരത്തിനുള്ള കരാർ സംബന്ധിച്ച യോഗവും ബാങ്കോക്കിൽ നടക്കും. കരാറിലെ അവ്യക്തതകൾ പരിശോധിക്കുന്നതിനും പരിഹാരം കാണുന്നതിനും 16 രാജ്യങ്ങളിലെ വാണിജ്യ മന്ത്രിമാരുടെ യോഗവും നടക്കുന്നുണ്ട്. കരാറിൽ ഇന്ത്യ ഇപ്പോൾ ഒപ്പു വയ്ക്കില്ല. നാലാം തീയതി പ്രധാനമന്ത്രി ന്യൂ ഡൽഹിയിലേക്ക് മടങ്ങും.
