കോട്ടയം: കേരള കോണ്‍ഗ്രസ്-എം നിയമസഭാകക്ഷി നേതാവായി പി ജെ ജോസഫിനെ തിരഞ്ഞെടുത്തു. ജോസ് കെ മാണിയെ ചെയർമാനാക്കിയ നടപടിയിൽ സ്റ്റേ തുടരുമെന്ന കട്ടപ്പന സബ്കോടതിയുടെ വിധിക്ക് പിന്നാലെയാണ് തീരുമാനം. സിഎഫ് തോമസ് നിയമസഭാകക്ഷി ഉപനേതാവായും, മോൻസ് ജോസഫ് വിപ്പും, സെക്രട്ടറിയുമായും തുടരും. പി ജെ ജോസഫാണ് ഇക്കാര്യം അറിയിച്ചത്.
അതേസമയം കോടതി വിധി ജോസഫിന് തിരിച്ചടിയാണെന്ന് ജോസ് കെ മാണി പ്രതികരിച്ചു. കേരള കോണ്‍ഗ്രസ്-എം എന്ന പാർട്ടി ഹൈജാക്ക് ചെയ്യൻ പാർട്ടി പ്രവർത്തകർ അനുവദിക്കില്ലെന്ന് ജോസ് കെ. മാണി വ്യക്തമാക്കി.
