ന്യൂഡല്ഹി: വെള്ളിയാഴ്ച പുലര്ച്ചെ ഡല്ഹി ഇന്ദിരാഗാന്ധി അന്താരാഷ്ട്ര വിമാനത്താവളത്തില് ഉപേക്ഷിക്കപ്പെട്ട നിലയില് ബാഗ് കണ്ടെത്തിയത് പരിഭ്രാന്തി പരത്തി. മൂന്നാം ടെര്മിനലില് നിന്നാണ് ബാഗ് കണ്ടെത്തിയത്. തുടര്ന്ന് പൊലീസ് എത്തി ബാഗ് സ്ഥലത്ത് നിന്ന് നീക്കി. ഇതിനുള്ളില് എന്താണെന്ന് പരിശോധിക്കാനുള്ള ശ്രമങ്ങള് നടക്കുകയാണ്.
ബാഗ് കണ്ടെത്തിയതിന് പിന്നാലെ കുറച്ച് സമയത്തേക്ക് ടെര്മിനല് മൂന്ന് ഉപയോഗിക്കുന്നതില് നിന്ന് യാത്രക്കാരെ വിലക്കിയിരുന്നു. മൂന്ന് മണിക്ക് വിലക്ക് നീക്കി.
